رواية حكاية سارة (كاملة جميع الفصول) بقلم اروي اسماعيل
هو انت ايه ي اخي محدش قادر عليك ايه للدرجادي مش مهمة انا طب انا مش مهم عيالك مش مهمين عندك تتعبهم معانا و تجبلهم عقدة من عمايلك.
انا اسمي سارة علي الحمدلله اتولدت في عيلة مرتاحة ماديا كان اهلي بينفذوا كل طلباتي انا و اخواتي و كنت عايشة حياه هادية مفيهاش مشاكل لحد ما حصل اللي شقلب حياتي كلها كنت في اخر سنة في الجامعة كلية تجارة اتعرفت على واحد زميلي كان بيجيب الملخصات للدفعة كلها و كانت دي حدود معرفتي بيه و الحقيقي كان باين عليه شاب محترم و جه يوم التخرج لقيته اتقدم ليا قدام الكل طبعا مكنتش متوقعة بس في نفس انا كنت بدأت اتعجب بيه فواققت و بعد التخرج ب يومين جه اتقدملي في بيت اهلي و بابا وافق عليه و اتفقوا على كل حاجه و بعد سنة اتحدد فرحنا و هنا كانت بداية المشاكل لقيت والدته عماله تقول كلام غريب عليه و الاغرب انه انا دايما بلاقي علاقته بأهله شبه منعدمة دايما بيقرر بنفسه كل حاجه بس كنت بتغاضا عشان كدا كدا هعيش في بيت بعيد عنهم ف مش هيفرق عندي غيره و عدا شهر و اتنين و بدأ كل كلام امه يتحقق يتعصب من اقل حاجه بس كنت بحاول احتويه لحد ما بقيت حامل و طبعا كأي ام بتكون طايرة من الفرحة و كنت متوقعة منه نفس رد الفعل لكن اتفجأت انه مش مهتم و عادي يعني مش فرحة اب ف كنت زعلانة ساعتها ف كلمتي ماما و فضلت تقولي عادي ده طبعه ممكن يكون بس عايز اللي يحتويه و فعلا سمعت كلامها و عدت شهور الحمل على خير و جت على الدنيا اميرتي الصغيرة علا و هي كانت اول حفيدة في البيت عندي و كلهم كانوا طايرين من الفرحة و عدت ايام المستشفى و قعدت مع حسام عشان نشوف تكاليف السبوع و كدة لقيته بيتهرب و بيقول: مش معايا فلوس ي سارة خلي بابكي اللي يعمله لو مهم عندك اوي موضوع السبوع.
سارة: هوة ايه اللي لو مهم يعني اول طفلة لينا و مش عايز تعملها سبوع و بعدين بابا انا مسؤلة منك دلوقتي مش بابا و بنتك انت اللي المفروض تعملها سبوع
لقيت بيرد ببرود و بيقول: انا قولت مفيش فلوس اذا كان عجبك يدوب الفلوس مكفيانا انا و انتي و كمان ذا شخص ف يدوبك يعني أكل و شرب بلاش تفاهات
كنت مصدومة من كلامه ازاي ده هوة اللي كان اتقدملي ازاي و فعلا روحت ل بابا و قالي: مفيش مشاكل ي حبيبتي انا هعمل السبوع ل حفيدتي و استحملي حسام اكيد المصاريف برضوا شايل همها و كدة متقلقيش كل حاجه هتبقى بخير.
و جه يوم السبوع و بابا مقصرش في حاجه و عملها احلى سبوع و الكل كان فرحان لحد ما و صلت اخت جوزي و حماتي و......
يتبع
البارت الاول
